ഇംഗ്ലണ്ട് ക്രിക്കറ്റ് താരങ്ങളായ ജോസ് ബട്ട്ലറും സ്റ്റുവര്‍ട്ട് ബ്രോഡും ചേര്‍ന്ന് ഇരുപത്തൊന്നാം നൂറ്റാണ്ടിലെ മികച്ച 10 ടെസ്റ്റ് ബൗളര്‍മാരുടെ പട്ടിക തയ്യാറാക്കിയപ്പോള്‍, ഇതിഹാസ താരങ്ങളായ മുത്തയ്യ മുരളിധരനും ഗ്ലെന്‍ മഗ്രാത്തിനും മുകളിലായി ഇന്ത്യന്‍ പേസ് താരം ജസ്പ്രീത് ബുംറ ഇടം നേടി.
ഒരു കായി മാാധ്യമത്തിന്റെ പോഡ്കാസ്റ്റില്‍ സംസാരിക്കവെയാണ് ബട്ട്ലറും ബ്രോഡും ചേര്‍ന്ന് ഈ പട്ടിക തയ്യാറാക്കിയത്. ഇതില്‍ ബുംറയ്ക്ക് മൂന്നാം സ്ഥാനമാണ് നല്‍കിയിരിക്കുന്നത്. അതേസമയം മുന്‍ ശ്രീലങ്കന്‍ സ്പിന്നര്‍ മുത്തയ്യ മുരളിധരന് നാലാമതും, ഓസ്ട്രേലിയന്‍ പേസ് ഇതിഹാസം ഗ്ലെന്‍ മഗ്രാത്ത് അഞ്ചാമതുമാണ് എത്തിയിരിക്കുന്നത്. മുത്തയ്യ മുരളിധരനെ മറികടന്ന് ബുംറ മുന്നിലെത്തിയതില്‍ പോഡ്കാസ്റ്റിന്റെ അവതാരകന്‍ ആശ്ചര്യം പ്രകടിപ്പിച്ചപ്പോള്‍, ബ്രോഡ് ഇതിന് കൃത്യമായ കാരണം വിശദീകരിച്ചു. ഇന്ത്യയെയും വിദേശത്തെയും പ്രതികൂല സാഹചര്യങ്ങളില്‍ ബുംറ കാട്ടുന്ന പന്തെറിയാനുള്ള കഴിവാണ് അദ്ദേഹത്തെ വേറിട്ടുനിര്‍ത്തുന്നതെന്ന് ബ്രോഡ് ചൂണ്ടിക്കാട്ടി. 'മുരളിധരന് മുകളില്‍ ബുംറ എത്തി എന്നത് ഒരുപക്ഷേ കൗതുകമുണര്‍ത്തിയേക്കാം. എന്നാല്‍ കഴിഞ്ഞ കുറച്ചുകാലമായി ടെസ്റ്റ് മത്സരങ്ങളില്‍ ബുംറ പുലര്‍ത്തുന്ന സ്ഥിരതയും, ഏതൊരു പിച്ചിലും ഒരുപോലെ സ്വാധീനം ചെലുത്താനുള്ള കഴിവും അതിശയിപ്പിക്കുന്നതാണ്' -ബ്രോഡ് പറഞ്ഞു.
ഇംഗ്ലണ്ട് മുന്‍ ഫാസ്റ്റ് ബൗളര്‍ ജെയിംസ് ആന്‍ഡേഴ്‌സനാണ് പട്ടികയില്‍ ഒന്നാമതുള്ളത്. കഴിഞ്ഞ വര്‍ഷം മെല്‍ബണില്‍ വെച്ച് ടെസ്റ്റ് വിക്കറ്റുകളുടെ എണ്ണത്തില്‍ ലെഗ് സ്പിന്‍ ഇതിഹാസം ഷെയ്ന്‍ വോണിനെ മറികടന്ന് 709 വിക്കറ്റുകള്‍ നേടി ചരിത്രം കുറിച്ച ആന്‍ഡേഴ്‌സണ്‍, ടെസ്റ്റ് ക്രിക്കറ്റില്‍ ഏറ്റവും കൂടുതല്‍ വിക്കറ്റ് വീഴ്ത്തിയ രണ്ടാമത്തെ ബൗളറാണ്. ഓസ്ട്രേലിയന്‍ സ്പിന്‍ മാന്ത്രികന്‍ ഷെയ്ന്‍ വോണാണ് പട്ടികയില്‍ രണ്ടാം സ്ഥാനത്ത്. ഓസ്ട്രേലിയയുടെ നിലവിലെ ടെസ്റ്റ് ക്യാപ്റ്റന്‍ പാറ്റ് കമ്മിന്‍സ് ഒന്‍പതാം സ്ഥാനത്തുണ്ട്. ഇംഗ്ലണ്ടിന്റെ തന്നെ ഡെയ്ല്‍ സ്റ്റെയ്ന്‍ (ആറാം സ്ഥാനം), സ്റ്റുവര്‍ട്ട് ബ്രോഡ് (ഏഴാം സ്ഥാനം), മിച്ചല്‍ സ്റ്റാര്‍ക്ക് (എട്ടാം സ്ഥാനം), കാഗിസോ റബാഡ (പത്താം സ്ഥാനം) എന്നിവരാണ് പട്ടിക പൂര്‍ത്തിയാക്കുന്ന മറ്റ് ബൗളര്‍മാര്‍. കൂടാതെ, ജസ്പ്രീത് ബുംറയെ ടെസ്റ്റ് ക്രിക്കറ്റിലെ 'ആധുനിക കാലത്തെ പ്രതിഭാസം' എന്ന് വിശേഷിപ്പിച്ച ബ്രോഡ്, ടെസ്റ്റ് ക്രിക്കറ്റിലെ ഒരു മികച്ച മാച്ച് വിന്നറാണ് അദ്ദേഹമെന്നും കൂട്ടിച്ചേര്‍ത്തു.
content highlights: Jasprit Bumrah named bowler of the century, surpassing Glenn McGrath and Muttiah Muralitharan